ZAZAKÎ NEWS- Amed de seba serd û vewre Gola Berajê Devegeçîdî de tayê cayan de cemed girewt; masewanî serê cemedî de bi kelekanê tekerinan rizqê xo vejenê.
Amed de ke vewra girane û hewayê serdî tesîrê xo musna, masewanî Gola Berajê Devegeçîdî ya ke tayê beşê ci cemed girewtê de seydwanîya maseyan kenê.
Gola berajî ke sewîyeya awe tede kêmî bîya, seba vewra ke bajar de varena û serdî ra, tay cayê ci cemed girewt.
Masewanê ke herêma dewijan de ciwîyenê û serê kelekanê (sal) ke bi nameyê "kelek"î yenê zanayene de seydwanî kenê, gola berajî ya ke rîyê ci qismî cemed girewto de masewanîya xo domnenê.
Masewanî kelekanê xo mîyanê cemedî ra vejenê, beşê ke cemed nêgirewto de erzenê gole û toranê xo erzenê awe.
Dormeyê gola berajî de heywanê kovî sey lûya sure zî seydwanîye kena.