Hemşaredara Dêrsimî ya verîne Nûrhayat Altun 7 serran ra pey veradîyaya.
Nûrhayate Altun 2014 de HDP ra bibî Hemşaredara Dêrsimî. 17ê teşrîna peyêne ya 2016î de herinda aye de qeyûm amebi tayînkerdiş û Altune erzîyaybî hepisxane.
Altune 7 serran pey Hepisxaneyê Kocaelîyî ra amey tehlîyekerdiş.
Keyeyê ci, aktîvîstanê Têgêrayîşê Cinîyan ê Azadan (TJA), endam û îdarekaranê MATUHAY-DERî, DEM Partî û Komeleya Huqûqnasan a Seba Azadîye (OHD) Altune verê hepisxaneyî de şîy Nûrhayat vera.
Altune verê zîndanî de wina va: ''Çîyo weş o ke merdim teber der o. La parçeyêkê mi zere de, embazan reyde yo. Ruhê ma hertim û her ca de azad o.''
Altune keye û embazanê xo reyde ver bi Anqara kewte rayîr.
