Rojawanê Tirkîya û Herême de semedê 15ê Gulane Roja Ziwanê Kurdkî xeylê aktîvîteyî ameyî viraştiş.
Dîyarbekir de dezgeyê sîvîlî û partîyê sîyasî aktîvîteyê cîya bi cîya kerdî.
Platformê Ziwanê Kurdkî semedê 15ê Gulane Roja Ziwanê Kurdkî Meydanê Şêx Seîdî yê Dîyarbekirî de beyanat da çepemenî.
Hemserekê Pêroyî yê DEM Partî Tuncer Bakirhan, Serekê Pêroyî yê Partîya Azadî Ayetûlah Aştî, parlamenterê DEM Partî, endamê PWK û gelêk temsîlkarê dezgeyanê sîvîlan û gelêk hmwelatî beşdatê beyanatî bîyî. Beşdaran bi şal û şapikê xo yê kurdî ameyî cayê dayîşê beyanatî.
Vervatoxê Platformê Ziwanê Kurdkî Şerefxan Cizîrî bi lehçeya kurmanckî, Hemvervatoxa Komîsyona Kultur û Ziwanî yê DEM Partî Cemîle Tûrhalli zî bi Zazakî beyanat wend.
Şerefxan Cizîrî behsê Kovara Hawarî kerd, wina vat: Ma sey Platformê Ziwanê Kurdkî heta nika ma ser xeta Kovara Hawarî xebate kerde. Semedo ke na xebata Mîr Celadet Elî Bedirxanî dewam biko û mende bibo, heskerdoxê Ziwanê Kurdkî serra 2007î de 15'ê Gulane sey 'Roşanê Ziwanê Kurdkî' îlan kerd.”
Cizirî aşkere kerd ke Platformê Ziwanê Kurdkî keno ke wa Tirkîya de ziwanê Kurdkî bibo ziwanê perwerdeyî û resmî.
DEM Partî zî çalakî kerd
Heto bîn ra hetê DEM Partî ra semedê 15ê Gulane Roja Ziwanê Kurdkî rayşîyayîşê ame kerdene.
Partiya Herêmanê Demokratîkan (DBP), Komeleya Cigêrayîşê Ziwan û Kulturî ya Mezopotamya (MED-DER), Platforma Kede û Demokrasî ya Amedî, Komela Wêjeya Kurdî, Kovara DESTAR û Enstîtuya Kurdî ya Amedî zî desteg dayê rayîşîyayîş.
Hetê bînî ra Hemserekê Pêroyî yê DEM Partî Tuncer Bakirhan, parlamenterê DEM Partî, Hemserekê Şaredariya Bajarê Girdî ya Amedî Serra Bucak û Dogan Hatun zî beşdarê rayşîyayîşî bîyî.
Baroya Amedî ra beyanat
Baroyê Amedî zî pîya verê Edlîyeya Dîyarbekirî de beyanat day çapemenî. Baroyê Amedî zî waşt wa ziwanê Kurdkî bibo ziwanê perwerdeyî û resmî.
Weqefê Mezopotamya Roşanê Ziwanê Kurdkî bi resepsîyonêk pîroz kerd
Weqfa Mezopotamya zî Amed de Qonaxê Îskender Paşayî de resepsîyonêk da. Weqfa Mezopotamya semedo ke 10 serrîya xo pîroz biko resepsîyon da û xeylê kesî ameyî resefsîyon.
