ZAZAKÎ NEWS - Fuarê ArtTigrîsî, o ke Odaya Tîcaret û Sanayî ya Dîyarbekirî (DTSO) û ArtTigris Fuarcılık pîya organîze kenê, tarîxê 18-21ê Êlule 2025î de dest pêkeno. Lansmanê fuarî Merkezê Gastronomî yê Dîyarbekirî de virazîya. Serekê DTSO Mehmet Kaya, Serekê ArtTigris Fuarcılık Bilgin Aygün û endamê heyetê îdareyî beşdarê Kombîyayîşê daşinasnayîşî bîy.
20 ramojnayîşî, 4 konserî
No fuar, ke çar rojî rameno, do galerîyê hunerî û dezgehê ke hunerî ser kar kenê çar goşeyê Tirkîya û dewletanê cîranan ra temsîl bikero. Çerçewaya fuarî de resimî, heykelî, seramîkî, grafîkî, fotografî, ca-kerdişî, hunerê dîjîtalî, medyaya newe, malumatê hunerî, koleksîyonî û weşanê hunerî hunerhesan reyde yenê têhet. Nê aktîvîteyî tena bi sergîyan nêmanenê. Zîyaretkarî beşdarê vîst ramojnayîş, çar konser, panel û atolyeyan bibê.
Serekê DTSOyî Mehmet Kaya va ke no fuar potansîyelê kulturî û hunerî yê Dîyarbekirî nîşan bido û semedê hunerî gamêka muhîm a. Ma zaf xebat kenî ke Dîyarbekir bikî merkezê fuarî. Ma do serra 2025î de heşt fuaran bivirazê. Hedefê ma no yo ke ma sistemêko winasî virazî ke her aşme tewr tay yew fuar bêro organîzekerdene. Fuarê Hunerî yê ArtTigrîsî, Tirkîya de fuaro verên o ke teberê Anqara û Îstanbulî de yeno viraştene. No zî xorînîya Dîyarbekirî ya huner û kulturî reyna mojneno. Bajarê ma, ke 12.500 serre yo û merkezê coğrafyaya Mezopotamya de yo, ser o rêça 33 şarsitanîyan esta. Ma heme hunerhesan dawetê nê fûarî kenê"
