ZAZAKÎ NEWS - Zingil, yew şîranîya verîn û heskerde ya kulturê Zazayan de cayêko muhîme gêna. No tehmo ke bi xususî Çolîg, Amed û dewanê înan de virazîyeno, zafane rojanê bimbarekan û semedê mêmananê ercîyayeyan yeno viraştiş.
Zingil, ke bi rîyê xo yo zernên û zereyê xo yo nermik şinasîyeno, yew werdêko hem asan hem zî lezetin o. Na şîranîye, zafane hetê cinîyan û pîrikanê ma ra yeno viraştiş. Tena yew werd nîyo, eynî wext de sembolêk o; mêvanperwerîye, pêserameyîş û şahîye mojneno. Bûya zingilê sûrkerdeyî, zafê ma rê tutîya ma ana vîr.
Senî virazîyeno?
Viraştişê Zingilî zaf zehmet nîyo. Malzemeyê bingeyênî yê ke seba viraştişê ey lazim ê, nê yê:
Malzemeyê Ey:, Yew kuçika werdî şekero toz, Yew kuçika qijkek sole, Yew hak, Awa honike, Ardî.
Viraştişê Ey:
Verê cû, heme malzemeyî yewbînan de yenê têmîyankerdiş. Mîrê ey gere awin mebo; ganî yew mîro giran û qewetîn bo. Dima ke mîr ame têmîyankerdiş û teyêna ame alewitiş, parçeyê qijkekî ci ra yenê girewtiş û mîyanê rûnê germî de, heta ke benê zernên, yenê sûrkerdiş.Badê zî şîrê yeno viraştiş.
Fatma Yılmaz
