Mabênê Darahênî û Licê dewe Rîzî de amebi plankerdiş ke do hetê şîrketêkê Enerjîyî ra Satnralê Hîdro Elektîrîkî (HES) bêro viraştiş.
Nezdîyê dûwês serrîyo ke şêlikê dewa Rîzî layê Sarimî şîrketan ra paweno û xo ver dano.
Dewijan û dezgeyanê sîvîlan nê qerarî rê îtîraz kerdbî û Dadgeha Erzurumî HES betal kerd.
Çi hey ke nika zî şîrketê Madenî bîyê musaletê tebîatê a herême.
No hewte ame eşkerdene ke dewa Licê yê Mizage de şîrketê madenî merga dewe û çîmê dewê rîjnayo.
Hetê debare ra Mizage de dewîjî heywanan weyî kenê û heywanê înan çimeyanê awe ra awe şimenê. Labelê Çimeyê ke zereyê dewe ca gênê rîyê xebata şîrketê madenî ra bîyê ziwa.
Koyanê dewe de xebatê madenî yê sifirî yeno kerdene û rîyê ci ra awe heremîyaya.
Heto bîn ra golê ke şirketî ronayo ê golî ser ra zî awa heremnayî veredîyena mîyanê dereyê dewe. Kes semedê nê talanî û texrîbatî zî dewijan ra çîke nêvano.
Goreyo ke vajîyeno no xerepnayiş do bireso heta 712 hektarî.
Zazakî News: Mehmê Hesenanî Xirabayîj
