Tirkîya de rojnamegerî semedê viraştişê xeberanê xo yan zî parekerdişê xeberan yenê girewtiş yan zî tepiştiş.
Ewro çend rojnamegerî hewna hetê polîsan ra ameyê tepiştiş. Hûmara rojnamegerê ke ewro ameyê girewtiş vejîya panc kesan
Serê siba pê hesîya ke hîrê rojnamegerî Sîbele Yuksel, Firat Can Arslan û Delal Akyuz bi operasyonê polîsan keyeyanê xo ra ameyî girewtiş.
Goreyê qerarê Serdozgerîya Komare ya Amedî muxabîrê Ajansê Mezopotamya Delal Akyuz Îzmîr de ameya girewtiş.
Muxabîrê MA Firat Can Arslan zî Anqara de ame girewtiş. Arslan Mudirîya Asayîşî ya Anqara de tepişîyeno. Polîsan dest na telefon û komputerê Arslanî ser.
Edîtora keyepelê T24î Sîbele Yukler zî Anqara de keyeyê xo ra ameya girewtiş. Yukler zî Mudirîya Asayîşî ya Anqara de yena tepiştiş.
Polîsan ewro deme nêmerojî de eşt keyeyê Edîtora Bianetî Evrîm Kepenek ser. Polîsan badê cigêrayîşê keyeyê aye kelemçe da destanê aye ro û berd Mûdirîya asayîşî.
Tewr peynî pêhesîya ke rojnameger Evrîm Denîz zî Dîyarbekir de ameya tepiştiş.
Bin o qeyde hûmara rojnamegerê ke ewro ameyê girewtiş vejîya panc kesan
