Federasyona Rojnamegeran a Mîyanneteweyî (IFJ) da zanayene ke, serra 2025î de seranserê dinya de 128 rojnamegerî ameyê kiştene û 533ê înan zî girewte yê.
Goreyê amaranê IFJyî, nême ra zêdeyêrê rojnamegeranê ke serra 2025î de weşîya xo vîndî kerda, Rojhelatê Mîyanênî de bîyê.
Rapor de, dewamkerdişê polîtîkaya cezanêdayîşî ya sûcanê vera rojnamegeran ame rexnekerdene.
Goreyê raporî, seranserê dinya de hema 533 rojnamegerî zindan de yê.
Hetê bînî ra rapor de ame ragihandene ke daneyê sazîyanê mîyanneteweyîyan ê derheqê mergê rojnamegeran de, yewbînan ra cîya yê.
Rojnamegeranê Bêsinoran (RSF) da zanayene ke serra 2025î de 67 rojnamegerî ameyê kiştene, UNESCOyî qeyd kerd ke eynî serre de 93 rojnamegeran weşîya xo vîndî kerda. IFJyî dîyar kerd ke çimeyê nê ferqî, metodê sazîyan ê seba arêdayîşê daneyan o.
IFJyî seba pawitişê rojnamegeran, muhakemekerdişê faîlan û eştişê gamanê konkreten ê vera bêcezamendene, veng da hukmatan û sazîyanê mîyanneteweyîyan.
