Ajansê Xeberan yê Mîzanî ewro (21ê gulane, panşeme) da zanayîş ke, di hepsîyê kurdî bi nameyê Ramîn Zele û Kerîm Marufpur ameyê îdamkerdiş.
Xeber de ame vatiş ke, hepsîyî bi bahaneya endamîya "grûbanê cîyakarîwazan (partîyê Rojhelatî)" îdam bîyê. Ajansê Mîzanî derheqê înfazî de wîna va: "Badê temambîyayîşê prosesê huqûqî qerarê îdamî derheqê Ramîn Zele û Kerîm Marufpurî de ame caardiş."
Aaşma adare ra pey 27 îdamî
Heto bîn ra Îran de zêdebîyayîşê îdaman dewam keno. Goreyê melumatanê ke kewtê dest, destpêkê aşma adare ra heta nika Îran de tewr kêm 27 kesî, bi behane û sûcdarîya babetanê sey "vera Komara Îslamî ya Îranî de micadeleyo biçek, xerabkerdişê asayîşê neteweyî, ardimkerdişê Îsraîl û ABD ", ameyî daleqnayîş.