Enternasyonalîsto şorişger û endamê verên ê Arteşa Sûr a Japonya Kozo Okamoto, ke mîyanê dewaya Filistinî de bi nameyê "Ehmed el-Yabanî" (Ehmedo Japon) ameyêne şinasnayîş, başûrê Beyrutî de, dewa Dahiyeyî de merd
Eniya Şarî ya Xelaskerdişê Filistinî (FHKC) seba Okamotoyî mesajêko serweşî vila kerd. FHKC’yî no şexsiyeto pîl sey "parçeyê têkoşînê şorişger ê Filistinî" û "sembolê enternasyonalîzmî" name kerd. Mesaj de ame vatiş ke Okamotoyî dinya û welatê xo Japonya pey de verda û heyatê xo da dewaya azadîya şarp Filistinî.
Hamas ra zî Mesajê Serweşîyî
Hereketê Îslamî ya Filistinî (Hamas) zî seba mergê Okamotoyî mesajêko xemgînî vila kerd. Hamasî mesajê xo de va: " Kozo Okamoto 23ê Temuze de Beyrut de wefat kerd. Ma bi xemgînîyêka xorîne nê mergî pêşwazî kenê. Okamoto do mîyanê xoverodayîşî û şarê Filistinî de sey sembolêko pîl ê hemparîya mîyanmilletî yê dewaya heqdarî bêro xeyal û vîr nêbo."
