Goreyê çimeyanê xeberan yê Rojhelatê Kurdîstanî, vizêr Kirmaşanijî Saman Îbrahîm û Elî Şehbazî Zindanê Dîzabadî yê Kirmaşanî de ameyî îdamkerdiş.
Ancî Ebdulqadir Resûlî zî Zindanê Mehabadî de ameyo îdamkerdiş.
Destûr nêdîya keyeyanê înan
Ame zanayîş ke, îdareyê zindanî îdamkerdiş ra ver destûr nêda ke her hîrê hepsîyî reya peyêne keyeyanê xo bivînê.
Îran de hûmara îdaman
Goreyê raporê serrane yê derheqê rewşa heqanê merdiman yê Îranî, tena mîyanê 12 menganê peyênan de tewr tay 2 hezar û 488 kesî ameyê daliqnayîş.
Mîyanê kesanê ke ameyê îdamkerdiş de 63 cinîyî û 2 zî domanî estê.
Cezaya îdamî ya 13 kesan zî roşnîya roje de verê çimanê şarî de amey caardene.
Reyna, mîyanê 12 menganê peyênan de seba 130 hepsîyanê bînan zî qerarê îdamî ameyo dayîş.