ZAZAKÎ NEWS - Înstîtuyê Weşîye yê Carlos III yê Madrîdî raporê xo yê peyênî de da zanayîş ke, aşma Hezîrana 2026î de Îspanya de 1 hezar û 28 mergê ke sebebê ci germo zêde yo ame tespîtkerdiş. Na hûmare par serra 2025î de 407 bîye. Saziya Metorolojî ya Îspanya aşkere kerd ke na aşma Hezîrane, tarîxî welatî de sey "aşma tewr germe" qeyd bîya.
Rêxistina Weşîye ya Dînya (WHO) derheqê hewayê germî de hîşyarîyêk da û va, kişta Ewropa de mîyanê 10 rojan de 1 hezar û 300 kesan ra zafer kesî weşîya xo vîndî kerda. Fransa de zî rayedaran da zanayîş ke, roja çarşemeyê vîyarteyî ra heta nika nêzdîyê hezar kesan normalî ra zêde merdê.
Serekê Pêroyî yê WHOyî Tedros Adhanom Ghebreyesus, nê zêdebîyayîşê germîye sey "kiştoxo bêveng" name kerd.
Goreyê daneyan, nêzdîyê 191 mîlyon merdimî welatanê sey Almanya, Polonya û Macarîstanî de, binê tesîrê germîya 35 dereceyî û cor de yê.