Îtîrazê DEM Partî hetê YSKyî ra qebûl bi. Hemserekê Beledîyeya Wanî Abudullah Zeydan mazbataya xo newe ra girewt û bi Hemserekê Beledîyeya Girde ya Wanî.

Çend rojîyo ke Wan û şaristananê derûdorî de semedê neheqîya ke Abudllah Zeydanî rê bîya şar payan ser o yo protesto keno.

Protestoyê şarî û wayîrvejyayîşê pêroyê sîyasetê Kurdan ra dima YSK gama xo peyser eşte û mazbata da Hemserekê Beledîyeya Wanî Abudullah Zeydan.

Hemserekê DEM Partî Tuncer Bakirhanîhesabê xo yê Xî ser ra beyanat da.

Tuncer Bakirhanî va:

“Biciwîyo şarê ma, biciwîyo têkoşînê Wanî.

Îradeyê şarê Wanî bi serkewt.

Wa xêrîn bo.”

Beyanatê DEM Partî

DEM zî hesabê xo yê Xî ser ra beyanat da û va :

“Encamê xoverrodayîşê şarê Kurd, dostê ma û hêzê demokratîk de qerar ame dayîş ke mazbata bidîyo Hemserekê Şaredariya Bajarê Girdî yê Wanî Abdullah Zeydan.

Biciwîyo xoverdayîşê şarê Kurd!”

Heto bîn ra Leyla Zana zî hesabê xo yê Xî ser ra va, “Şima tacê sereyê Kurdistanî yê. Biciwîyêne.”

Çi bibi

Nazmedê DEM Partî yê Wanî Abdullah Zeydan hetê şarê Wanî ra sey Hemşaredarê Bajarê Girdî yê Wanî ame weçînayene.

Labelê mazbataya ey amey betalkerdiş û dîya namzetê Ak Partî.

Wan de namzedanê DEM Partî Abdullah Zeydan û Neslihane Şedal sera 55,48 û namzedê AKPyî Arvasî se ra 27, 15 rayî girewtîbî.

Rîyê nê qerarê YSKyî ra çend rojîyo ke Wan û bajaranê derdorî de hêrsê şarî esto.  Na bêhûqûqîye zerrîya mîlyonan kesan dejna.

Zazakî News