ZAZAKÎ NEWS - Karkerê Doruk Madencilikî yê ke Mihaliççikê Eskişehîrî ra seba heqanê xo yê mexdûrîye û meaşanê nêdîyayeyan 9 rojî verî kewtbî rayîr, dekewtişê Anqara de rastê mudaxeleyê polîsan ameyî. Karkerê ke wazenê wa masayê muzakereyî bêro ronayîş dest bi çalakîya roniştişî ya rût kerd.
Karkerê ke heqanê xo yê nêdayeyan (meaş û tazmînat) ameybî verê paytextî, Ümitköy de bîyî kom. Çayırhan û Beypazarı ra zî keyeyî ameyî, tewrê înan bîyî. Karkerê ke çalakîyanê xo bi sloganê "Ma ked û nanê xo wazenê" domnenê, plan kerdbi ke duraxê metro yê Ümitköyî ra şirê verê Wezaretîya Enerjî û Çimeyanê Tebîîyan, uca ra pey zî bivîyarê Wezaretîya Kar û Asayîşê Komelkî.
Polîsan bi gazê îsotî mudaxeleyê karkeran kerd, înan destbend kerdî. Mudaxele de Pisporê Rexistinkarî yê Bağımsız Maden-İşî Başaran Aksu û Serekê Pêroyî yê Sendîkaye Gökay Çakır zî tede 30 kesî ameyî dest bendkerdiş.