ZAZAKÎ NEWS- Forbesî lîsteya dewlemendanê Tirkîya rojane kerd. Ronayoxê Chobani, karsazo Zaza Hamdi Ulukaya, bi serwetê 13 mîlyar û 500 mîlyon dolarî, lîste de ca girewt û bi dewlemendê en pîl ê Tirkîya.
Murat Ulker o ke rêza diyîne de yo 5 mîlyar û 300 mîlyon dolarî; Selçuk Bayraktar o ke reya verêne kewt lîste zî bi 2 mîlyar û 700 mîlyon dolaran rêza 10. de ca girewt.
Hamdi Ulukaya kam o?
Ulukaya, serra 1972î de qezaya Erzinganî Îlîç de, mîyanê keyeyêko ke kare heywankarî kerdêne de ameyo dinya. Keyeyê ey Kirmanx-Zaza yo.
Seba ke Îngilîzkî bimuso şiyo Amerîka. Vakurê New Yorkî de yew fabrîkaya mastî ya ke girewte bîye, erîna. Mîyanê panc serran de, rotişê salane sifirî ra vet serê 1 mîlyar dolaran û Chobani kerd markaya ke Amerîka de tewr lez pîl bena.
Hamdi Ulukaya; hîşê xo yê karsazîye, xebatanê xo yê seba multecîyan û modelê liderîye yê cîyayî reyde yeno naskerdene.
Ercînayîş û Xebatê Cimatkî
Chobani, lîsteya "Şîrketê Tewr newekar" ya Fast Company de, kategorîyanê "Werd" û "Faydeyo Cimatkî" de rêza yewine de ame nîşandayene.
Fortune zî Chobani "Lîsteya Şîrketanê ke Dinya Bedilenêê" de nîşan da.
Ulukayayî serra 2016î de seba paştîdayîşê teşebuskaran "Chobani Incubator"; serra 2017î de zî Tirkîya de "Gîrîşîmê Hamdi Ulukayayî" (Hamdi Ulukaya Girişimi) rona.
Serra 2015î de "The Giving Pledge" (Taehutê Bexşî) îmze kerd û soz da ke do beşêko pîl ê dewlemendîya xo seba çareserîya krîzê multecîyan bixebitno. Seba ney zî "Weqfa Çadirî" (Tent Foundation) awan kerde.
Bi keda ey, şîrketanê pîlan ê sey Airbnb, Google, Ikea û MasterCardî seba peynîardişê krîzê multecîyan yew platformê hemkarîye viraşt.
Hamdi Ulukaya, serra 2017î de hetê kovara TIME ra lîsteya "TIME 100"î de amebi weçînayene.
Ulukaya tewr peynî bi sponsorê Fenerbahçe
