ZAZAKÎ NEWS- Kaykero namdar Rıza Kocaoğluyî va ke o Kurd o û eşkera kerd ke mîyanê serran de asîmîle bîyo.
Kocaoğlu bi meymanê programê YouTubeî yê Fatîh Altaylıyî.
Kocaoğluyî nê îfadeyî xebitnayî: “Ma keyeyê ma bîyo asîmîle û ez sey Îzmîrijan pîl bîyî. La hetê pîyê mi Kurd o, hetê maya mi Tirk o. Yanî sîyaseten zî ma têmîyan ciwîyayî. To vat azadîwaz, çunke şansê ma yo bîn çin o. Ez wazena şora merdimanê xo yê Anqara zî bivîna.”
Kocaoğluyî îfade kerd ke embazê ey persê 'Ti kamca ra yî?' ser o ey dir qeşmerîye kenê û wina qisey kerd:
"Wexto ke vanê 'Ti kamca ra yî?' û ez zî wina derg û dila qala ci kena, embazê mi tim mi dir qeşmerîye kenê û vanê 'Yaw, ti nika zî bîyî uca ra?'. Çunke mi yew dem vatbî 'Ez Laz a, Deryayê Sîyayî ra ya'."
Kocaoğluyî no malumat zî pare kerd ke, Serekê Şaredarîya Pîla ya Îstanbulî yo verên Bedrettîn Dalan zî merdimê înan o.