Bado ke çarçeweya teheqîqatê Gulîstane Doku de vizêr 15, ewro zî 2 kesî ameyî destbendkerdene, keyeyê Doku verê Edlîyeya Dêrsimî de eşkerayîye daye.
Waya Gulîstane Doku, Aygule Doku îfade kerd ke şeş serrî yo ê têkoşînê edaletî reyra benê û vat: ''Wezîfedaranê dewlete yê dewrê wezîfeyê xo nêard ca. Sere de mudirê emnîyetî yê dewrî, fermandarê jandarma û dozgerî ma gereyê berpirsîyaran kerd. Ma do heta peynî dehqîqatî teqîp bikerê. Ma wazenê wa hinî bedenê kênaya ma bêro vînayene, berpirsîyarî verê edaletî de hesab bidê û ma zî şirê keyeyê xo de dejê xo biancê.''
Dayîka Gulîstane Doku, Bedrîye Doku zî seba caardişê edaletî veng da, keyeyî seba ke tay tezgehê medya tehqîqatî sey magazîn geno dest, nêrazîbîyayîş mojna.