Dêrsim de bi ameyîşê newsîmê hamnanî, hadrekarî yena kerdiş. Şarê Dêrsimî çî-mîyanê werdişî ke hamnan hêgayanê xo ra arê dano semedê zimistanî keno huşk.
Dewa Beydamiyî ya qezaya Pêrtagî ya Dêrsimî de dewijî sebzeyanê xo kenê huşk.
Cinîyanê bi nameyê Fethîye Toylak û Fecîre Oz qala hadrekarîyanê xo kerdê.
Fethîye pare kerd ke a 30 serrîyo ke bostanê xo ramena û vat: ''Ma firingan û balcananê xo arê danê, binê tîje de kenê huşk û pê salçe virazenê û kenê konserveyan. Ma tay firinganê xo zî kenê huşk û seba zimistanî zereyê poşetan de erzenê dolabê cemedî.''
Fecîre Oz da zanayîş ke ê sebzeyanê xo yê huşkan zimistan de wenê û vat: ''Ez Îzmîr de ciwîyena û hamnanan yena dewe, hetê dadîya xo. Ez dewa xo ra zaf hes kena, her serre yena tîya. Dewe de keyfê mi yeno.''
