Muhabirê DW Türkçeyî Alîcan Uludagî, saete 14:41 de hesabê xo yê medyaya sosyale ra bi parekerdişê xo yê “Nika ez newe ra girewtiş” da zanayîş ke o ameyo girewtiş. Sebebê girewtişê Uludagî hema nêno zanayîş.
Uludag, dima ke 90 rojî tepişte mend, 21ê gulane de amebi verdayîş. Uludag ke tewr peyên 19ê sibate de Anqara de amebi girewtiş, seba 22 parekerdişanê medyaya sosyale bi sûcanê “bêhurmetîya verba Serekkomarî”, “eşkere weşanayîşê melumatanê xeletan” û “eşkere nizmhesibnayîşê Hukmatê Cumhurîyetê Tirkîya û organanê huquqî yê dewlete” derheqê ey de dewa amebî akerdiş.
Muhakemekerdişê na dewa, Mehkemeya Cezaye ya Aslîye ya 26ine ya Anqara de dewam keno.
