Kiştoxê Midûrê Weşanê Pêroyî yê Rojnameyê Agosî Hrant Dink Ogün Samast hepisxane ra ameyo veradayîş.
Ogun Samast o ke serra 2007î , roja 19ê Çeleyî de vernîya awanîya Rojnameyê Agosî de nuştoxo Arminî Hrant Dînk kişt, hepisxane ra tehlîye bîyo.
Samast badê cînayetî 20ê Çeleyî de bajarê Samsûnî de amebi tepiştiş. Samasto ke 24ê Çeleyê 2007î de tewqîf bi, par Hepisxaneyê Kandira ra neqlê Hepisxaneyê Bolûyî bi. Îdareyê hepisxaneyî sebebê "halo baş" ra Samast verada .
Qatîl Ogün Samast wexto ke Hrant Dînkî kiştbi nezaretxane de polîsan ey dir fotografî antbî û ey bimbarek kerdbî.
