ZAZAKÎ NEWS - Merasîmê akerdişî de Qeymaqamê Çermûge Adem Karataş, Serekê Şaredarîye Şehmus Karamehmetoğlu, Midûrê Perwerdeyo Netewî Cevat Baran û zaf hemwelatî ameyî têhet. Qeymaqam Karataşî qiseykerdişê xo de va ke. ziwan nasnameyê miletî yo.
Qeymaqam Karataşî aşkere kerd ke akerdişê na komele qerarêko zaf rînd o û wina va: “Goreyê raporanê UNESCOyî zazakî (kirdkî) mîyanê ziwananê ke vîndî benê de ya. Her cîyayîya ma zengînîya ma ya; coka ganî ma zazakî bîpawê. Bi taybetî dibistanan de weçînitîşê dersanê zazakî seba ameyoxê nê ziwanî zaf muhîm o.”
Serekê Şaredarîye Şehmus Karamehmetoğlu zî va ke ê sey şaredarîye do her tîm paşt bidê komele. Serekê Komele Mehmet Fatih Bedirhanoğlu zî va ke hedefê înan o bingehîn pawitişê kulturê zazakî yo û ê do qeza de seba naye zaf xebatan bîkerê.