Fuarê Kitaban ê Amedî yê 9. bi coşêko pîl dewam keno û mêmanîya gelek nuştox û wendoxan keno. Yew nameyo muhîm o ke fuar de wendoxan reyde yeno têhet zî nuştox û cigêrayox M. Malmîsanij o.
Goreyê afîşa ke Weşanxaneyê Vateyî weşana, M. Malmîsanij do Fuarê Kitaban ê Amedî de standê Vateyî de kitabanê xo îmza bikero. Afîşe de seba pêroyî heskerdoxan Kirmanckî/Zazakî vengdayîş ame kerdene.
Weşanxaneyê Vateyî da zanayene ke tena Malmîsanij nê, nuştoxê înan ê bînî zî rojê cîya-cîyayan de do stand de amade bê. Goreyê eşkerayîye, nuştoxî Hesen Dilawer Dêrsim, M. Malmîsanij, Bedrîye Topaç, Nadîre Güntaş Aldatmaz, Denîz Gündüz, Îdrîs Yazar û Omer Barası do kitabanê xo îmza bikerê.