ZAZAKÎ NEWS - Serekê Amerîka Trumpî hesabê xo yê Truth Socialî ser o yew parekerdiş kerd. Trumpî verî ke o wexto ke ey dabî Îranî biqedo, derheqê muzakereyê Îranî yê bi mîyancîtîya Pakîstanî de eşkerayîyêka muhîme da.
Trumpî aşkere kerd ke pêvînayîşê mabênê her di welatan ke hetê Serekwezîrê Pakîstanî Şehbaz Şerîf û Serequmandarê Artêşa Pakîstanî Asim Munîrî ra bîyê, encamê weşî visti destî xo.
Serekê Amerîka îfade kerd ke ey pêşnîyazê Pakîstanî qebul kerdo ke wazenê hêrîşê muhtemelî yê emşoyî bidê vindertene û Qeraxê Hurmuzî abikerê û wina va: "Ez qebul kena ke bombarduman û hêrîşanê vera Îranî seba di hefteyan bivindernî. No do adirbesêko dihetin bo."