Endamê Meclîsê Mayanê Aştîye, vera hêrişanê grûbanê çekdaran ê pabesteyê Hukmatê Demkî yê Sûrîye û yê ke Heleb de vera mehleyanê Eşrefîye, Şêxmeqsûdî rê bene, xeylê bajaranê Kurdîstan û Tirkîya ra kewtî rayîr û resay Anqara.
Mayê Aştîye, seba ke Wezîrê Karanê Teberî Hakan Fîdan protesto bikerê, verê wezaretî de ameyî pêser.
Polîsan, seba ke verê rayraşîyayîşê mayan bigîrê barîkat rona. Mayê ke vernîya barîkatî de slogananê “Bijî berxwedana Rojava”, “Jin, jiyan, azadî” û “Şerî rê nê, aştîye hema nika” erzenê, xoverdayîşê xo domnenê.
