ZAZAKÎ NEWS - Hunermendo Kurd Mikaîl Aslan o ke bi kilamanê xo yê Kirmanckî (Zazakî) û Kurmancî yeno naskerdene, studyoya Rûdawî ya ke Hewlêr de ya de, bi meymanê Hêvîdar Zana.
Mikaîl Aslanî behsê ameyîşê xo yê verênî yê Başûrê Kurdîstanî û hîsanê xo kerd.
"Tîya polîs bira yo"
Aslanî da zanayene ke vînayîşê hêzanê asayîşî yê Kurdan ey ser o hîsêko cîya viraşto û wina va:
"Wexto ke ez ameya, polîsî mi rê va 'Bira' la Vakurê Kurdîstanî de têgêrayîşê polîs û eskeran zaf xirab ê; labelê merdim tîya serbestîye û azadîye vîneno."
"Zazakî û Kurmancî yew ê"
Mikaîl Aslanî serê persa cîyayîya lehçe û fekanê Kirmanckî (Zazakî/Dimilkî) nîşan kerd ke ganî Kurdî xîret bidê ke yewbînan fam bikerê û va:
Hunermend Mîkaîl Aslan @RudawKurdi de bîyo mêmanê @hevidarzana1.
— Zazakî News (@zazaki_news) February 7, 2026
Seba ke Başûrê Kurdistanî de bîyo vengê zazayan û mabênê Zaza-Kurmanc-Soran-Goran de yanê mabênê pêrûna Kurdan de bîyo pirdêk ma ey rê sipas kenê.
Merdimêk bi huner û bi xebata xo mîyanê şarî de beno qîmetîn pic.twitter.com/YL6zNdC0Hb
"Kamcîn lehçe bena wa biba, pêro yê ma yê. E, fekê Dêrsim, Çewlîg û Amedî yewbînan ra cîya yê, ferq esto.
Labelê ferq mabênê Kurmancîya Dêrsim û Amedî de zî esto. Eke merdim tayêk goş bido yewbînan û tayêk 'xîret' bikero, merdim eşkeno yewbînan fam bikero.
Wexto ke mi dest bi muzîkî kerd, mi va ganî ez hem Zazakîya Çewlîgî hem zî ya Amedî bimusa. Ganî ma sînoran nêronê verê xo."
