ZAZAKÎ NEWS - Mikail Aslanî va ke konserê ey verê cû 15ê Gûlane de Merkezê Kulturî yê Sezai Karakoçî de amabi plankerdiş, labelê seba Roja Ziwanê Kurdî taloqê 1ê Hezîrane bibi.
Hunermendî eşkerayîya xo de va ke. Rîyê programê Roja Ziwanî ra tayê problemî virazîyayê. Coka o wazeno nê problemî telafî bîkero.
Mikail Aslanî va: “Seba nê taloqkerdişî ma şarê xo ra efû wazenê. Ma wazenê na rewşe telafî bîkerê û konserê ma do sey konserê şarî, bêperê bîbo.”
Do Meydanê Berê Koyîde virazîyo
Aslanî aşkere kerd ke konser do 1ê Hezîrane de, saete 20.00 de, Meydanê Berê Koyî de bêro dayîş. Kesê ke verê cû bilêtî girewtî, do pereyê înan peyser bêrê dayîş.
