Festîvala Kultur û Xoza ya Munzurî ya 24ine ya ke emser bi şîarê ''Ma Seba Vîr û Cuya Azade Wayîrê Xoza, Ziwan,Kultur û Bawerîya Xo Vejîyenê'' yena kerdene, Kuçeyê Hunerî de dest pêkerd. Temsîlkarê partîyanê sîyasîyan û rêxistinanê komelê sîvîlî û xeylê kesî tewrê rayraşîyayîşî bîyî.
Umit Karabulutî ke bi nameyê komîteya hazirîya festîvale qisey kerd, vat festîvale bi serran verî seba ke bale bianco polîtîkayanê vera Dêrsimî ser ameye despêkerdene û bale ante muhîmîya pawitişê xoza, kultur û bawerî ser.
Wekîla DEM Partî ya Dêrsimî Aytene Kordu zî qiseykerdişê xo de bale ante dosyaya Gulîstane Doku, caardişanê qeyûmî û vengdayîşê ‘’ têrîameyîşê heqîqetî’’ ser û vat, ‘’Cografyaya ma de raştîyê ke tede nêameyo têrî est ê. Gerek no têrîameyîş û raştîye vejîye werte. Ma wazenê ke vera sîyasetê ‘mezelan’ wa komîsyonê heqîqetî bêro ronayene.’’
Festîvale badê qiseykerdişan bi deyîran dewam kerd.
