Mudirîya Şûbeyê Gastronomî û Markabîyayîşî ke binê banê Serekîya Daîreya Kultur û Hunerî ya Şaredarîya Amedî ya Şaristanê Girdî de xebatanê xo dewam kena, bi amancê daşinasnayîşê kulturê mitbaxe yo kokdar û tehmanê herêmkîyan ê şaristanî atolyeyan organîze kena. Atolyeyê ke do mabênê tarîxanê 19ê êlule – 4ê teşrîna verêne de bêrê kerdiş, do cayanê tarîxî û kulturîyan ê muhîman ê Amedî de bêrê kerdiş. Atolyeyan de ke do bi sernameyanê cîyayan bêrê organîzekerdiş, tehmanê tradîsyonelan ra teber do fermantasyon, mîro tirş, mitbaxa bêeşte û şerbetê herêmkîyî bêrê viraştiş.
Kulturê mitbaxe do neslanê ameyoxan rê bêro neqilkerdiş
Bi çalakîyan yeno amanckerdiş ke berhemê herêmkîyî û metodê amadekerdişî yê tradîsyonelî ke vîrê mitbaxê Amedî de cayê înan û muhîm est o, bêrê gandarkerdiş, mitbaxa şaristanî nesilanê ameyoxan rê bêra neqilkerdiş û mîrasê kulturî bêro daşinasnayîş.
Şerbet û werdê rihane do bêrê viraştiş
Çarçewaya bernameyî de ancî şerbet û werdê ke bi rihane yenê amadekerdiş, do bêrê viraştiş ke rihane nebatanê aromatîkan ê verênan ê şaristanî ra yew a. Terasê Temaşekerdişî yê Baxçeyê Miletî de ke kişta Camîyê Hz. Sileymanî de yo, roja yewşemeyî 4ê teşrîna verêne de do Atolyeya Şerbetê Rihane bêra kerdiş.
Badê atolye eynî ca de saete 18.00 de bi beşdarîya mêmananê bidawetnameyan do Şewa Rihane bêra organîzekerdiş. Şewe de pêşkêşkerdişê werdanê herêmkîyan ke bi rihane yenê amadekerdiş, înan ra teber do sohbet û goşdarîya dengbêjan zî bibo.
Atolyeyî do seba şarî akerde û bêpere bêrê organîzekerdiş. Şewa Rihane zî ke do 4ê teşrîna verêne de bêra kerdiş, do bi dawetnameyan bo.
Programê atolyeyan
Atolyeya Tirşîya Laktofermentekerdîye
19ê êlule, şeme
Ca: Konaxê Cemîl Paşayî
Saete: 13.00
Rayberdoxa atolye: Funda Akinci
Atolyeya Mîrê Tirşî
21ê êlule, dişeme
Ca: Keyeyê Dengbêjan
Saete: 13.00
Rayberdoxa atolye: Zumrut Biçkin
Atolyeya Mitbaxa Bêeşte
22ê êlule, sêşeme
Ca: Konaxê Şehzadeyan
Saete: 13.00
Rayberdoxê atolye: Alaaddîn Kiliç
Atolyeya Şerbetê Sumaqî
23ê êlule, çarşeme
Ca: Muştemîlatê Konaxê Cemîl Paşayî
Saete: 13.00
Rayberdoxê atolye: Alaaddîn Kiliç
Atolyeya Şerbetê Meyanî
30ê êlule, çarşeme
Ca: Keyeyê Dengbêjan
Saete: 13.00
Rayberdoxa atolye: Mesude Onen
Atolyeya Şerbetê Rihane
4ê teşrîna verêne, yewşeme
Ca: Terasê Temaşekerdişî yê Baxçeyê Miletî yo kişta Camîyê Hz. Sileymanî
Saete: 16.00
Rayberdoxa atolye: Mesude Onen
Şewa Rihane
4ê teşrîna verêne, kirîye
Ca: Terasê Temaşekerdişî yê Baxçeyê Miletî yo kişta Camîya Hz. Sileymanî
Saete: 18.00
Bername: Sohbet, pêşkêşkerdişê werdanê birihanan û goşdarîya dengbêjan
