Otobusa ke Dîyarbekir ra şîyêne Îstanbul Mersîn de qeza kerd. Qeza Mersîn de Otorayîrê Tersûs-Edene-Dîlokê (TEG) de qewimîya û 10 tenî merdî.
Goreyo ke ame zanayîş, qeza de tewr kêmî 10 kesî merdê û 30 kesî zî birîndar bîyê.
Otobusa Star Diyarbekirî Dîyarbekir ra şîyêne Îstanbul. Goreyo ka veajîya, otobuse rayîr ra vejîyaya, perraya weverê rayîrê bînî û daya wesayîtê ke hetê corî ra ameynê ro.
Walîyê Mersînî Alî Hamza Pehlîvanî zî derheqê qezaya trafîkêî de beyanat da û aşkere kerd ke, goreyê zanayîşanê destpêkî qeza de 10 tenî merdê û 30 kesî zî birîndar ê.
Goreyê zanayîşê ke Zazakî Newsî girewtê, kesê ke dinyaya xo bedilnayê înan de hîrê kesî Hêne ra yê. Laj, veyve û tornê Hecî Ehmedî qezaya trafîkî de merdê û keye bi eslê xo Mistanê Darahênî ra yo û zemanêk barê Hêni kerdo.
Nameyê kesê ke qezaya trafîkî de dinyaya xo bedilnayî nê yê:
Serhat Taraman, Elif Taraman, İpek Taraman, Ozan Kılıç, Birsen Çiftsüren, Sultan Acet, Taha Acet, Mehmet Kaplan, Halil Şimşek ve Ayla Çelik Teymen.
