Dilkurdî (Yewitîya Zerrîwazanê Kurd) Amed de proramê arayîye tertîp kerd. Seyan mêmanê Dilkurdî ameyî cayê kombîyayîşî.
Badê dayîrê arayîye semedê daşinasnayîşê Dilkurdî qiseylerdişî ameyî kerdiş. Av. Enes Akdemîrî moderatorîya programî kerd û qiseykerdişî zafê xo Kurdkî bî.
Koordînatorê Dilkurdî Fevzî Bulagnî sere de yew qiseykerdiş kerd û semedê ameyîşê mêmanan sipasîya xo îfade kerd. Badê zî Endama Heyetê Rayberîye Canan Yıldirim yew qiseykerdiş kerd û qiseykerdişê xo de qalê muhîmîya ziwanê Kurdkî kerd.
Aye ra dima Prof. Abdulrahman Adakî yew qiseykerdiş kerd û va; “Ma se bikê zî ziwanê ma pê xîretê ma tena nêxelîseyeno. Gere ziwanê ma warê perwerdeyî de ca bigîro. Tutê ma êdî ziwanê xo nêzanê. Ganî ma semedê perwerdeyîya bi Kurdkî xebatanê xo bizêdîne. Xebata Dilkurdî xebatêka ercayî ya. Semedê dersa weçinitî ya Kurdî înan zaf kede daya. Na derse kêmî bo zî gere ma tira îstîfade bike.”
Badê zî Dr. Vedat Koçalî yew pêşkêşîyêk kerd û pê grafîkan nîşan da ke qiseykerdişê Kurdkî çiqas kêmî bîyo, polîtikayê asîmîlasyonî çiqas bi tesîrin ê.
Hetê bînî ra kesê ke nêeşkayê bêrê program 3u mesajê xo arşawitê, mesajê înan zî salone de ame wendiş.
Badê zî mêmanan derheqê ziwanê Kurdî ke fiktê xo vatê û program qedîya.
Heyetê Pêroyî ya DILKURDî de nê kesî ca gênê;
Fevzi Bulgan, Makbule Serçe, Veli Çelik, Aysel Esenli, Kurtuluş Baştimur, Canan Yıldırım, Leyla Sıdık, Ramazan Taşdemir, Sibel Naral, Arife Dündar, Ahmet Özgüven, Sabri Akgönül, Mehmet Sait Öztürk, Mehmet Nuri Çiftçi, Doğan Tendik, Selman Soner, Nevzat Yeşilbağdan, Adem Ok.”
Xebere û Fotografî: Enwer Yılmaz
