Qezaya Dêrsimî Pilemurîye de Pezkovîyê ke gêrîyayê binê pawitişî, înan de gerr ame vînayîş.
Naye sero ekîbê Şûbeyê Parkanê Mîlî û Pawitişê Xozaye herêma ke Pezkovîyî bîyê gerrin de dest bi cigêrayîşan kerd.
Qezaya Dêrsimî Pilemurîye mintiqaya Dereyê Karorî de pezkovîyan de gerr ame tespîtkerdiş. Şaro ke seba gêrayîşî şibi uca fotografê pezkovîyan antî ûxebere dayê ekîbanê Şûbeyê Parkanê Mîlî û Pawitişê Xozaye yê Dêrsimî.
Goreyo ke fotografan de asîyeno pezkovîyî bîyê zeîf, bi giranî rayra şonê. Semedo ke wa çîke nêbo pezkovîyan, wa merdişêk nêbo ekîban a herême de dest bi xebatan kerd.
Heto bîn ra Dereyê Karorî deverê cû zî çend pezkovîyî merdbî û vajîyabi ke, sebebê merdişê înan rîyê gubreyê ke erzîyayê Dereyê Karorî ra bîyo.
Pezkovîyê ke hetê Peymana BERNî ra pawîyenê, seba bawerîya elewîtîya Reqa Heqîye zî fîraz ê û goreyê bawerîye kiştişê înan qedexe yo.
Ali Haydar Gözlü / Dêrsim
