Awûqatê Werîşe Muradîye Mistefa Nîlîyî ewro derheqê babete de hesabê xo yê Xî ser o eşkerayîyêke da.
Mistefa Nîlîyî va, "Qerarê îdamî yê Werîşe Muradîye, hetê Şubeyê 9. yê Mehkemeya Berze ra semedê kemasîyanê tehqîqatî ra ame betalkerdene."
Mistefa Nîlîyî da zanayîş ke dosyaya Werîşe Muradîye, seba ke newe ra bêro cigêrayene, ameya şawitene Şubeyê 15. yê Mehkemeya Şorişî.
Çira ameybî girewtene?
Werîşe Muradîya ke şaristanê Sîne ra ya, 3yê Tebaxa 2023yan de rayîrê Merîwan û Sîneyî ser o hetê hêzanê ewleyîye yê Îranî ra ameybî tepiştiş.
Aye bi sûcdarîya endamîya grûbanê ke vera hukmatî çalakîya biçek virazenê, bi cezaya îdamî ameybî mehkumkerdene.