ZAZAKÎ NEWS- Komela Rojnamegeranê Cinîyan a Mezopotamya (MKG), seba paştîdayîşê muxabîranê Ajansê Xeberan yê Etkînî (ETHA) Pinar Gayîp, Nadîye Gurbuz û Elîf Bayburt mektub û qartî şawitî.
Rojnamegerî, operasyonê ke vera Partîya Sosyalîste ya Bindestan (ESP) de amebi viraştene, 3ê Sibate de ameybî destbendkerdene û 5ê Sibate de zî ameybî tepiştene. Muxabîrê ETHAyî nika Zîndanê Bakirkoyî de girewte yê.
Stenbol de şîyî Beyoglu
Endamê MKGyî yê ke Stenbol de xebitîyenê, seba paştîdayîşê ETHAyî, postanexaneyê Beyogluyî ra mektub û qartî seba muxabîran şawitî.
Amed de şawitişê kitaban
Amed de zî endam û rayberê MKGyî seba paştîdayîşê rojnamegeran Pinar Gayîp, Nadîye Gurbuz û Elîf Bayburte kewtî têgêrayîş. Rojnamegeranê ke bînaya MKGyî de ameyî pêser, dima ra şîyî postanexaneyê qezaya Sûrî ya Amedî û mektub û kitabî seba embazanê xo şawitî.
