Hemsereka DFGyî Dîcle Muftuoglû ameya tehlîyekerdiş.
Hîrine roniştişê dewaya Hemsereka Komeleya Rojnamegeran ê Dîcle Firatî (DFG) û Edîtora Ajansê Mezopotamyaye (MA) Dîcle Muftuoglû ewro dest pêkerd.
Dîcle Muftuoglû 29ê Nîsana 2023ine çarçewaya tehqîqatê ci Anqara de netîceyê sereştişê keyeyî de amebî destbendkerdiş û 3yê Gulane Roja Rojnamegeran ê Dinya de bi îdiayê “endamîya rêxistine” amebî tepiştiş.
Roniştişê dewaya Dîcle Muftuoglû 5ine Dadgeha Cezaya Girane ya Amedî amey kerdiş. Dîcle bi îdiayê “endamtiya rêxistine” û “awankerdişê rêxistine” amey muhakemekerdiş.
Dîcle Muftuoglû Zîndanê Cinîyan ê Sîncanî bi rayîrê Sîstemê Veng û Dîmen (SEGBÎS) tewrê roniştişî bîy.
Roniştiş de dozgerî waştişî dewamkerdişê tepiştişê Dîcle Muftuoglû kerd. Heyetê Dadgehe zî derheqê rojnamegere Dîcle Muftîoglu de qerarê serbestveradayîşî da.
