ZAZAKÎ NEWS — Hanîfe Güleç a ke mîyanê şarî de sey “Anê Xatun” ameyêne naskerdene, şî heqîya xo ser. Anê Xatun maya nuştox û cigêrayox Veli Haydar Güleçî bî. Seba aye qezaya Pulurî de merasîmêk virazîya. Merasîm hetê Hasan Hayri Şanlı ra ame rayberdene. Dima ra lajê aye Veli Haydar Güleçî qisey kerd.
“Maya mi heme dejî kerdî sîneyê xo, bar zî kerd pşta xo”
Veli Haydar Güleçî îfade kerd demê Terteleyî de maya ey doman bîye. Güleçî va: “Vanê ke eke maya merdîmî bimira, roştîya keyeyî hewna bena. Ewro roştîya keyeyê ma hewna bîye. Maya mi dejê giranî antî. May û pîyê xo, eqrebeyê xo vîndî kerdî. Surgûn dî. Serranê 90î de lajê xo vîndî kerd. Maya mi heme êşî kerdî sîneyê xo, bar zî kerd pîşta xo. Ewro zî mîyanê ma ra şîye. Rayîrê aye akerde bîbo.”
Anê Xatun kişta lajê aye yo ke 1994 de merdbi de amey heqkerdene.