ZAZAKÎ NEWS - Semedo ke wa tutê Kurdan mektebanê mîyanênî de dersa Kurdkî (Zazakî- Kurmanckî) biweçînê xebatî dewam kenê.
Semedê xebata hayîdarkerdişî û teşwîqkerdişî dezgeyê Ziwan Kom, Sterka Bakur, Dilkurd, Hezkurd, Vaqfa azadî, Deng Waqfa Îsmaîl Beşîkcî, Weqfa Mezopotamya û Memur Senî yew komîsyon awan kerdî û nê dezgeyî semedê dersa Kurdkî xebatan kenî.
Memur Senî seba ders vişnayîş de dîqet ant serê çend madeyan û keyeyanê tutan ra waşt wa nê çîran rê dîqet bikerê:
1-Form vila kerdene bi usulê fermî bibo. Form de nameyê dersa kurdî bi zelalî bero nuştîş.
2-Seba dersê kurdî ganî malumat bero dayene. Avantajê meslekî û aqademîk ganî neql bibo.
3-Seba tayîn kerdena mamosteyên kurdî en kêm 8 saet, 4 sinif de derse ganî bero e okul modulî de qeyd kerdîş.
Memursen agahîya xo de seba 15 sere zî ney malumatan da.
Zaningeha tirkîya de beşa kurdî esto. 6 zaningeh de zî nuveyê beşa kurdî hadre yo.
Zaningeha de her sere 197 kontenjan lîsansa beşa kurdî de qeyd beno. Çi heyf ke dom kerdene kêm o. Ey ra semed her sere 15-20 melimê kurdî lîsans temam kenî.
15 seran de 847 melimê kurdî lisans qedenayo. 213 tenê înan qadro girewtê. 57 branş bedelnê yan zî istifa kerdê.
15 serran de, 15 bajaran de 420.000 wendekar dersa kurdî girewtê.
