Ozcan Yılmaz
Pîre vato “hona nêvejîya asma marte qedîya vas û çes, alef û simerê mereke”!
Bijêkî kerde tever ke va tene biçere
Kerdo tira torge, torcele, miz û pûkeleke
Hîre bijekî merde, hîre kî mende Pîre rê.
Pîre kerda riza û minete, vato “vane ti na dîna de mordemodê pîl a, wayîrê bêkes û neçarûn a! Bê comerdîye, bîjekê mi marte biveze ju to rê, di kî mi rê”
Amo comerdîye, vindarne torg û sîlîye
Pîre sa bîya, bîjek sare nêbirno vato “mi bêçike este bi qina eyî, bîjekûnê mi rê endî xeles a,
mart vejîya, derd qedîya,
bîjekê mi tingir-mingir reqeşîya”.
Heq qarîyo vato “Pîra min a canbaz û sekbaz a, mi de kena xelef û dubara, hîre rojî dên ken nîsane ra,
ez hêfê xo cen to ra”.
Hîre rojî dên kerde nîsane ra
Kerdo tira, sîlî û sepelîye, torge, vore varna
Teyna ju mendo hîre bîjekûnê Pîre ra,
Serdê Pîre bîyo gosare bîyo bi gosû ra, vajîyo az ve az ra
Hona ke 16ê nîsane nêamo mevaze ke zimiston qedîya, mekere axsata, xelefe, des û desîsa
Keno serd, sîlî û sepelîye, cemed varneno bîjekû qirr keno îsonî kî keno rezîl û rîşîya*
Ozcan Yilmaz
*Hesab o kan (takvîm o viren) ra gore wertê asmû de 13 rojî ferq est o. Asma marte 13yê nîsana takvîmê neweyî de qedîna. Hîre rojî kî seveta îhtîyatî lazimî yê, yanî gûne însan hata 16ê nîsane mevazo ke endî wisar o, serd û derd qedîyo…
