Serekê Amedsporî Nahit Erenî, Sîyasetmedara Kurde Leyla Zana reyde bi telefonî qisey kerd. Erenî, Zana dawetê maçê Amedspor-Îdirsporî kerd.
"Ma pîya qerar bide"
Ame musayîş ke Leyla Zana vera nê dawetî wina va: "Ma pîya bifikire, pîya qerar bide." Ame îfadekerdiş ke Zana do bade c3u qerarê xo bido.
Çi bibi?
Maçê Somaspor-Bursasporî yê Lîga 2. ya TFFyî de, trîbûnanê Bursasporî ra vera sîyasetmedara Kurde Leyla Zana sloganê cînsîyetperest û heqaretî ameybî vatiş. Dima ke vîdeoyê nê sloganan medyaya sosyale de bîyê vila, xeylê kesan razînêbîyayîş nîşan dabî.
Vera nê hedîseyî zaf sîyasetmedaran û dezgehanê komelê sivîlî razînêbîyayîş nîşan daya, Serekê Klubê Amedsporî Nahit Erenî zî bi yew beyanatî hedîse şermezar kerdbi.
Netîceyê reaksîyonan de, Heyetê Dîsîplînî yê Futbolî yê Profesyonelî yê Federasyonê Futbolî yê Tirkîya (TFF), Bursaspor bi sebebê "tezehuratê xirabî" sewqê dîsîplînî kerd û cezaya pereyî da klub.