ZAZAKÎ NEWS- Çimê heskerdoxanê futbolî ewro Amed de yo. Di taximê namdarî û yê Vakurê Kurdîstanî yenê têver. Amedspor, Lîga 1. ya Tirkîya de Wansporî keno mêman.
Hefteyê 27. ya Lîga 1. ya Tirkîya de, ewro şan saete 20:00 de taximê Amedsporî stadyumê xo de bi Wansporî reyde kay keno.
Her di taximî zî bi armancê 3 puanan vejîyenê seha û wazenê terefdaranê xo şa bikerê.
Amedspor serkewtiş wazeno
Amedsporî her di maçanê xo yê peyênan de serkewtiş bi dest nêvist.
Dima ke Mesut Bakkal sey teknîk dîrektor agêra taxim, Amedspor wazeno ke stadyum û terefdaranê xo ra feyde bigîro û serbikewo.
Amedspor verê nê maçî, Lîga 1. de bi 51 puanan rêza hîrêyîne de yo la maçêkê ci kêmî yo.
Wanspor xurt o
Taximê Wansporî çend hefteyanê peyênan de performansêko zaf baş mojna. Wanspor 3 maçanê peyênan de bin nêkewt û 2 serkewtişî girewtî.
