Amedsporo ke do tarîxê xo de seba reya verêne Süper Lîg de mucadele biko, verê sezonê neweyî wezîfeyê direktorîya teknîkî emanetê nameyêko xerîb kerd.
Besnik Hasî sey direktorê teknîkî yê neweyî yê Amedsporî dest bi wezîfeyî kerd û ey dir pîyameyîşê 2 serran ameye îmzakerdiş.
Besnik Hasî yo ke 54 serre de yo, karîyerê xo yê direktorîya teknîkî Anderlecht de dest pêkerd. Direktoro tecrubeyîn o ke temsîlkarê Belçîka ra dima Legê Varşova, Olympiakos, Al Raed, Al-Ahli û Mechelen de zî wezîfe kerd, tewr peyên zî reyna antrenorîya Anderlechtî kerde.
Haso ke kupanê Ewropa de zî wayîrê tecrubeyêko pîl o, seranserê karîyerê xo de cîya-cîya welatan de, kulûbanê sewîyeya berze de wezîfe kerd.
