Teknîk dîrektorê newe yê Amedsporî Mesut Bakkal o

ZAZAKÎ NEWS - Amedspor o ke badê pîya-pîyayîya Sakaryasporî Sînan Kalogluyî reyde rayîrê xo cîya kerdbî, reya dîyîne Mesut Bakkal ard sereyê taximî.

Malumato hetê kulûbî ra ame dayîş de vajîya ke: “Kulûbê ma, seba wezîfeyê teknîk dîrektorîye yê Taximê Futbolî yê A, heta peynîya sezonî Mesut Bakkalî reyde pêkerd. Ma Mesut Bakkalî rê vanê ti xeyr ameyî kulûbê ma û wezîfeyê ey de serkewtiş wazenê.”

Maço verên Sariyer reyde yo

Bakkal, do imtîhanê xo yê verênî musabeqaya Sariyerî de bido.

Teknîk dîrektoro bitecrube, peynîya serra 2023yî de Amedsporî xebtinabi û bi performanso ke mojna, kewtbi tarîxê kulûbî.

Bakkal, 18 maçanê ke lîge de kay kerdbî de; 14 serkewtişî, 3 pîya-pîyayîye û tena 1 mexlubîyet girewtb.