Sînan Kaloglu Kam o?
Sînan Kaloglu 10ê Hezîrana 1981î de Dêrsim, qezaya Pulurî (Ovacık) de ameyo dinya. Ey bi binawanîya Bolusporî dest bi futbolwanîye kerd.
Dima ra taximanê Marmarîs Beledîyespor, Altay, Beşîktaş, Dîyarbakirspor, Manîsaspor, Bursaspor, VfL Bochum (Almanya), Vitesse Arnhem (Hollanda), Kardemîr Karabukspor, Antalyaspor, Xarpêtspor, Kayserî Erciyesspor û Mersîn Îdman Yurduyî de forma dayo xo ra.
Kalogluyî karîyerê xo yê futbolwanîye de, lîgan û maçanê resmîyan de pêro pîya 388 maçan de 102 golî eştê. Sewîyeya milî de zî wezîfe girewt: Dima ke taximê Tirkîya yê U21î de kay kerd, formaya taximê milî yê Tirkîya zî tayê maçan de daye xo ra.
Bi famê futbolê modernî yeno zanayene
Kalogluyî dima ke futbol caverda, verê xo da teknîk dîrektorîye û bi xebatanê xo yê serê futbol û taktîkanê modernan bal ant serê xo.
Teknîk dîrektoro 45 serre ke Altay, Gençlerbîrlîgî û Kayserîspor de wezîfe girewt, seba kaykerdoxanê cîwanan, dîsîplîn, famê futbolê modernî û pabestebîyayîşê sîstemî yeno naskerdene.
Sînan Kaloglu nika Dîyarbekir de yo, Antrenorê Amedsporî yo. Bi sayeyê ey, Amedspor Lîga TFF ya yewine de lîder o.
