Guneyo ke nameyê ey yo raşt Yılmaz Pütün bi, 1ê nîsana 1937î de dewa Yeniceye ya Edeneyî de dadîya xo ra bîyo û 9ê êlula 1984î de Parîs de 47 serrîya xo de de dinyaya xo bedilna.
Guneyî cuyê xo yê hunerî de 114 fîlman de kay kerd, derhênerîya 26 fîlman kerde, 15 fîlmî viraştî û senaryoya 64 fîlman nuşte. O tewr zaf bi fîlmanê sey “Sürü”, “Umutsuzlar” û “Yol”î yeno şinasnayîş.
Serra 1982yî de Festîvalê Fîlman yê Cannesî de bi fîlmê “Yol”î Xelata Palmiyeya Zerrnêne girewte û nameyê xo tarîxê sînemaya dinya de qeyd kerd.
Guneyî qiseykerdişê xo yo Newroza 1984î de veng dabî azadîye, yewbîyayîş û demokrasîye.
Guney eslê xo Sêwregi ra bi û Zaza bi.