Ocaxê Madenî yê Îmbatî yo ke qezaya Soma ya Manîsa de fealîyet keno de piroginayîşî ra dima xebatê cigêrayîş û xelasnayîşî ameyî dest pêkerdene û temam bîyî. Ekîbî resayî heme karkeranê ke binê herre û kuçan de mendbîy. Verê cû meytê Halit Ersayî û Kerim Örenî amebî vetene.
Şewdir meytê 3 karkeranê bînan ame dîyene
Xebatê xelaskerdene heta saetanê şewdirî dewam kerdî; mîyanê xebatan de meytê Ramazan İnce, İsa Olcay û Ömer Karakayayî zî ameyî vetene. Bi no hawa hûmara karkeranê ke qezaya madenî de merdî bîye 5, 2 karkerî zî bi dirbetinî xelisîyayî.
Walîtîya Manîsa îfade kerd ke xebatê cigêrayîş û xelaskerdene qedîyayê; seba karkeranê madenî rehmet, keyeyan û embazanê înan rê zî serweşîye waşte.
Kaynak: Zazakî News
