ZAZAKÎ NEWS - Federasyona Futbolî ya Tirkîya (TFF), seba vîdeoyê ke Amedspor û Serekê Kulûbî Nahît Erenî pare kerdo û tede paştî daya “pêla pormûnitiş”, cezaya girane da.
Heyetê Dîsîplînê Futbolî yê Profesyonelî yê TFFyî (PFDK), seba parekerdişê ke 22yê Çeleyê 2026î de hesabê medyayê sosyale yê Amedsporî ser o ameyo kerdene, kulûbî rê ceza birna.
PFDKyî, bi bahaneya “propagandaya îdeolojîke” û “eşkerayîyê ke îtîbarê futbol û sazîyan zîf kenê estê, hukm kerd ke cezaya pereyî kulûbî rê bêra dayene.
802 hezar û 500 TL cezaya pereyî
Qerarê PFDKyî de ame vatiş ke Kulûbê Fealîyetanê Sportîfan ê Amedî, goreyê madeyanê cîya-cîyayan ê Talîmatê Dîsîplînê Futbolî bi 802 hezar û 500 TL cezaya pereyî ameyo cezakerdene.
Erenî rê 15 rojî mehrûmîyetê heqî
Semedê eynî parekerdişî, Serekê Amedsporî Nahît Erenî rê zî mueyîdeyê dîsîplînî ame tetbîqkerdene. PFDKyî, goreyê madeyanê eleqedaran Erenî rê 15 rojî cezaya mehrûmîyetê heqî da.