Hetê Merkezê Tetbîqat û Cigêrayîşî yê Ziwanê Zazakî yê Unîversîteya Çolîgî ra, bi beşdarîya şaîr Silêman Ertugrulî, panelêk bi namê “Nuştişê Şîîranê Zazakî Ser o” ame tertîpkerdiş.
Programo ke Salonê Konferansî yê Kitabxaneyê Selaheddîn-î Eyyûbîyî de ameye viraştiş rê, akademîsyenî, wendekarî û edebîyathesî tewr bîy.
Silêman Ertugrul o ke serra 1957î de Çolîg de ameyo dinya û perwerdeyê xo zî uca temam kerdo, va ke o cuyayîşê xo yê memurîye yo ke serra 1980î de dest pêkerdo, serra 2011î de ci ra teqawut bîyo.
Ertugrulî, derheqê prosesê nuştişê şîîranê Zazakî de tecrubeyê xo pare kerd û wina va: "Seba ke merdim şîîranê Zazakî binuso, ganî merdimî de yew derd û çîyo ke bivajo, bibo. Çîyê ke ez cuyaya û hedîseyê ke dormeyê mi de ameyê meydan, temaya şîîranê min ê."
Ertugrulî îfade kerd ke kitabê ey ê bi nameyê “Şew Diyena” netîceyê keda nezdîyê des serran o.
Panel bi îmzakerdişê kitabanê Silêman Ertugrulî qedîya.
