Grûba Xebate ya Vateyî ya Dîyarbekirî, seba averberdişê ziwanî û perwerdeyî gameyêka newîye erzena û Amed de yew "Atolyeya Ziwanî" akena. Atolye, do rî bi rî, yanî bi beşdarîya fîzîkî virazîyo.
Goreyê eşkerayîya ke hetê Grûbe ra ameye dayene, atolye de çar babetê bingeyênî ser o dersî do bêrê dayene:
Rastnuştiş
Sentaks
Folklor
Açarnayîş
Mamostayê atolye do Denîz Gunduz, Ugur Sermîyan, Mehmet Olmez û Rohelat Aktulum bê.
Grûba Xebate ya Vateyî da zanayene ke kesê ke wazenê bêrê atolye, ganî verî ra formêk ser o qeydê xo virazê.
Ame vatene ke ca û wextê atolye, badê ke qeydî temam bîyê, do bêrê eşkerakerdene.
Grûbe, veng da wendox û heskoxanê ziwanî û va: "Ma pabayê şima yê."
SEBA QEYDBÎYAYÎŞÎ BITIKNE
