Çanakkale de hedîseyêka xapînayîşî qewimîya.
Ramazan Gumuşsoyî waşt lajê xo Muammer Gumuşsoyo ke problemê ci yê psîkolojîkî estê bizewicno, la veyve bi sebebê mergê ey.
Goreyê xebera Yenî Asirî, Ramazan Gumuşsoy seba ke lajê xo bizewicno geyrayêne kesêka munasibe û yewo ke teberê welatî ra veyvan ano reyde kewt têkilî.
500 hezar lîra da
Ame zanayîş ke Ramazan Gumuşsoy seba ke bieşko veyve bikero kewt bine deyn û seba ke veyva Cezayîrî bêro Tirkîya 500 hezar lîrayî (nêzîkê 12 hezar dolarî) da kesê mîyankarî.
Zerrnî girewtî û rema
Veyva Cezayîrî Hadîle Eyad amey Tirkîya û 27ê Teşrîna Verêne de bi veyveyêko pîl Muammer Gumuşsoyî de zewicîya.
Labelê hewteyo verên, Hadîle Eyad heme zerrn û pereyê ke veyve de ameybî arêdayîş girewtî û rema.
Babî Ramazan Gumuşsoy, badê ke fehm kerd ame xapînayîş, nêeşka na rewşe û şermizarîye qebul biko; vizêr xo banê keyeyî de aleqna û peynî da cuyê xo.
