Ertan Beyogluyî yo ke Çewlîg de ciwîyeno, dadîya xo ya ke nêweş bîbî berd beşê lezgînî yê Nêweşxaneyê Dewlete yê Çewlîgî. Seba ke cinîya ke nêeşkêne rayra şo verê doktorî, geyra sandalî la nêdî. Beyogluyî naye ser o dadîya xo eşt kiftanê xo ser û berd verê doktorî.
“Xebatkarî eleqedar nêbî”
Ertan Beyogluyî yo ke ‘Çewlîg Kent Haber’î rê qisey kerd, va ke: “Serê sibayî saete dorûverê 08.45î de mi dadîya xo berde beşê lezgînî. Beşê acîlî de ez geyra sandalîyo tekerekin la mi nêdî. Mi xebatkaranê uca ra pers kerd, la hetkarî nêkerdî. Ez mecbur menda ke dadîya xo paştîya xo de berî verê doktorî. Mi tu wext bêeleqedarîye û bêmesulîyetîyêka winasî nêdîbî. Seba nêweşxaneyî ronayîşê çend kursîyanê bi çerexan hende zor o?”
