ZAZAKÎ NEWS - Dêrsim de, tehqîqatê Gülistan Doku ya ke 5ê Çeleyê 2020î ra nat vîndbîyaye ya û wendekara sinifa dîyine ya Beşê Averşîyayîşê Gedeyan ê Unîversîteya Munzurî bî, 15 gumanbaranê ke ameybî destbendkerdiş ra 12ê ci tewqîf bîy û seba 3 kesan zî qerarê kontrolê adlîyî amebi dayîş. Çarçiwaya tehqîqato ke hetê Serdozgerîya Cumhurîyetî ya Dêrsim û Erziromî ra yeno rayberdiş de, operasyonê pêlê dîyinî de 15 kesî ameybî destbendkerdiş. Operasyono ke vizêr serê sibayî virazîya de, 2 kesê bînî ameyî destbendkerdiş û hûmara destbendkerdeyan vejîya 17.
2 gumanbarê ke Fermandarîya Cendirmeyan a Bajarê Dêrsimî de karê înan ê îfadeyî qedîyay, seatanê sibayî de sevqê edlîyeyî ameybî kerdiş. Gumanbaran ra qorîcîyê dewe F.Ö. bi sûcanê "bi zanayene kîştene de hetkarî û vîndkerdiş, nimitiş yan zî bedilnayîşê delîlanê sûcî" tewqîf bî; O.Y.yo ke karê hafriyatî keno zî bi şertê kontrolê adlîyî serbest amey veradayene.
Heto bîn ra cinîya walîyê ê demî Tuncay Sonel Handan Sonelî amey tewqîfkerdiş.
